Тенглени ушагъында. стихи 60-х г. 20в
Хан тадж кийсе да матух шат болмаз»,
Хар кимни эни, ёзю – белгили,
Бу ишде болма, шохум, экили.
Ишге чакъырсанг – эбин билгенни*,
Джолдаш излесенг – джолну кесгенни*,
Шападан чыкъмаз асыл аскерчи,
Ашыкъдан болмаз таб саудюгерчи*.
Хар ким да билген джеринде – керек,
Башха джерледе ол болур – ирек*,
Тамада деген – аны кёргенди,
Ким неге джарар – аны билгенди.
«Партиячы» - деб къуллукъгъа салсанг,
«Тамадагъыз» - деб анга къаратсанг,
Сюйсенг – газетде махдаудан джарыл,
Аны ишинде табылмаз такъыл.
Тюрлю заманнга келиб турабыз,
Аллах болушсун, тая барабыз…
Оноучу къойунг не оноу этсин?
Былай бла даулет къалайгъа джетсин?
1963дж.
СЁЗЛЮГЮ:
ЭБИН БИЛГЕН – хар ишни устасы, ишни эм таб этерни билген.Знаток дела.
САУДЮГЕРЧИ, САРТ – купец.
ДЖОЛ КЕСГЕН – эки магъанасы барды: 1.джолда аламат хапар айта, джолну ауурлугъун эслетмеген адам. 2. Джолну тыйгъан тыйгъыч. Джол кесиб къаугъа этиу.
ИРЕК ЭТИЛГЕН – тышланнган, багъалатылмагъан, сюйюлмеген.
Свидетельство о публикации №220112601024