/джырчыны уллу джашы, шаир, Семенланы Азретни эскериулеринден/.
Бир джол тийреде джыйын той болгъанды. Ары, къызла эм маджал кийимлерин кийиб, башларына да, кими - алтын, кими - кюмюш токъмакълы, чачакълы джаулукъла къысыб келгендиле.
Асият деб бир къыз а, къолунда гидче къыбдычыгъы бла, къыйырдан кириб, эслетмей, къызланы чачакъларындан талай токъмакъны къоратханды. Ол да тийреге джайылгъанды. Бир талайдан ол къыз эрге кетди деген хапар эштилгенинде, джырчы тойда былай чам этгенди:
Асият бала этгенди, дейле,
Джабагъыладан джибек джюн...
Мында токъмакъла тынчайгъан элле,
Андагъылагъа келди иги кюн.
Чамларындан. 20-чы ё. аллы
© Copyright: Исмаил Семенов-Джырчы Сымайыл, 2020
Свидетельство о публикации №220112601442
Свидетельство о публикации №220112601442
Рецензии