Джашауубуз. чамларындан. 60-е г. 20в

60-джыллада, Къызыл Октябрь элде,  адамла ингир сайын  бир ныгъышха олтуруб,  ушакъ этерге  ёч эдиле.  Аллай бир  заманда  айтылгъан бир чамы.

***
Совет Ресейде джашайбыз,
Шай бла ётмек ашайбыз,
Ийне джутханнга ушайбыз.

Бу башчы  десенг - къулланнган -
Райком табагъа алланнган,
Халкъгъа керекден джаллагъан.

Мал десенг – арыкъ,  къуджура,
Биченим десенг – къауура,
Джауларым  десенг – къууура.

Элни орамы – тылдандан,
Джюрюялмайын – амандан,
Фатарым эсе – самандан.

Юйдеги  болур – къурмачлай,
Кечеси, кюню – джубанчлай,
Бу джарлы башым – айланчлай.

Советле манга  сырт буруб,
Эй, джауум, зарым тиш туруб,
Апендисе – деб, сюд къуруб.

Битим бермеген бачхам бар,
Власт тёлемеген ачхам бар,
Ичи бош тургъан бочхам бар.

Ашау алалмай къыралдан,
Джашау къуралмай тамалдан,
Къыяу  болгъанбыз  амалдан.

Бу джангы юйюм - битмезден,
Агъач керегим - джетмезден,
Джарсыуларыбыз - кетмезден...


Муну айтхан Семенланы Сымайыл,
Айыб этме да бу сёзлени бир айыр!
***