Джаланджюк суу къобуб ырхы элнибизни тюбюн басды,
Джангур булут, тебмез кибик, кёгюбюзде кесин асды,
Аллах Джерге чамланнганча, шыбылала кёкню къыйды,
Орамланы ырхы басыб, джюрюмезлей, таргъа тыйды.
Ишек джокъду, гюнах – аслам, сууаб – дыккы болгъанына,
Аллах джолун билмегенле Эресейге толгъанына,
Межгит юйле – чачыу – къучуу, килисала – ауа – сауа,
Ичлеринде этилелмей Джаратханнга тилек, дуа.
Совет Выласт, динсизлик бла, терс джарыгъа атланнганды,
Дин тутханны бырнак эте, гюнахлары къатланнганды,
Былай бла барса, тейри, аль – Мунтакъыйм бизни урур,
Быллай кюн бла, Рабби – аль – Хакъ бизге акъыл бере болур.
1962. Кызыл Октябрь.
Сай суу къобхан кюн. стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220112901200
Свидетельство о публикации №220112901200
Рецензии