/на снимке дочь поэта, хранительница архива религиозных песен Исмаила Семенова, Семенова-Боюнсузова Ай-Сара/.
АЙ-САРАГЪА
Сен ата юйюнгден къайын юйге кетдинг,
Юйлениу адетни асыл къызлай этдинг,
Мени разылыгъым юсюнгден таймасын,
Аман адам санга хауасын джаймасын,
Толу юйюр болгъун, насыбынг къатланыб,
Мен кёрмезлей сени, кёзлеринг джашланыб.
Амандан туракълай, ашхыгъа джанаша,
Халинг, аузунг, тилинг хар кимге джараша,
Кесинги, мындача, къайын юйде джюрют,
Ишленнген баласа, болмаз сенде чирик...
Уллу тукъумунгу халинг бла сыйлат,
Ариу бла айта айтханынга ойлят.
Сылаучу къол чыртда тюртюлмейди, къызым,
Джумушакълыкъ болсун сени джашау ызынг,
Сый бергенинг санга къайтарыб сый берир,
Къайынынг, тенгинг да сени хакъ – тенг кёрюр,
Ата юйюнг – къайыкъ, къайын юйюнг – кеме,
Олду сени элтир джашау тенгизинде.
Ай-Сарагъа. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220120400697
Свидетельство о публикации №220120400697
Рецензии