Мила ву дахар шен киснахь ду моьттариг,
Дерриг х1ар дуьне ша кхоьллина моьттариг,
Мила ву заманах кхетанза виснариг,
Хьекъалах тилина, дахаро идийнарг?
Мила ву дуьнено дуьйцучух тешнариг,
Шен Дела вицвина,1ожаллех лечкъаниг?
Аллах1а лаъмаза г1ад охьа доьжна дац,
Цо зил д1а хьаькхча бен рицкъанаш кхачош дац.
Мила ву 1есачу ойлано 1ехийнарг,
1ожалла кисанца эцало моьттариг?
Ву иза заманах кхетанза виснариг,
Дикачу вай Дала не1мат ца деллариг.
Аллах1а лар дойла вай вочу эвланех,
Иманехь – ихсанехь вай динца ч1аг1 деш,
Къинхетам босса беш мискачу шен лешна,
Волийла къинт1ера, къиношна геч деш.
Дац шуна х1ар дуьне ма моьтта мехалла,
Дац шуна х1ар дахар шен динца хийцала,
Кхетаме хила вай хьаг1 - гамо эккха яй,
Х1орамо коьртера вон ойла ц1ана яй!
Мила ву...
© Copyright: Петимат Давдаева, 2021
Свидетельство о публикации №221020500495
Свидетельство о публикации №221020500495
Рецензии