Русская звезда

РУССКАЯ ЗВЕЗДА
Служба преподобному игумену
Иосифу Волоцкому
новому чудотворцу

Вечер. На малей вечерни. Стихеры на 5.
       Глас 1. Подобен небесным чином радование.

Духа святаго теплотою премудре, желания сердца своего, еже к Богу согреяв, зиму страстей многокозненную умертвив, бесовскую силу низложил еси. Небеснаго же воинства  терпением своим удивил еси; (дважды). Крест Господень взем,  преподобне Иосифе, истинно последовал еси Христу, иже нас ради на кресте распеншемуся. И Его ради любве вся оставил еси. И Того единаго возлюбил еси. Его же моли спастися нам; Яко прииме отче небесное семя в сердцы, плод  сторичествующ добродетели принесл еси. Питая благочестно, гладом тающих душа добродетелн. Но яко имея дерзновение ко владыце Христу. Моли отворящих верою и любовию, празднующих память твою; (слава, глас 4).
Светлыи днесь воссия нам и всепразднственыи день, яко же второе солнце. Просвещая и наставляя, и отгоняя мглу помрачения нашего, вселенную созывает. Иже верою к честней раце припадающих, и любезно облобызающих. Моли молимся, отче, миру мир даровати, и душам нашим велию милость;   инне празднику (глас той же). Всечестное твое рождество. (настиховие, стихеры преподобному, глас 2). Подобен дом евфрафов. Дом духу святому был еси преподобне. Просвещая и наставляя, верою и любовию, притекающих к тебе; (стих. Что воздам  Господеви о всех).
Блажен воистину, и преблажен явися премудре Иосифе. Иночествующим наставниче и благочестию поборниче; (стих. Блажен муж бояися Господа).
Приидете вернии, стецемся усердно. Восхвалим отца нашего, истине сказателя. И нечестия обличителя; (слава самогласен, тоиж). Приидете лицы иночестии. Днесь радостно воспоем ублажающе и прославляюще начальника нашего. Христова угодника, и того Пречистыя Матере, преподобным сожителя и собеседника ангелом. Молящася Господеви помиловатися душам нашим,  инне, празднику (глас 4. Всемирная радость. Тропарь преподобному Иосифу. Глас 5) :
Яко постником удобрение, и отцем красоту. Милости подателя, разсуждению светильника, вси вернии сошедшеся  восхвалим кротости учителя. И ересем посрамителя. Премудраго Иосифа русскую звезду. Молящася Господеви, помиловатися душам нашим; (слава, инне празднику. Тропарь. Глас 4. Рождество Твое Богородице Дево. На велицей вечерни, блажен муж. 1 и антифон. Наги возвах, стихеры. На 8. святым богоотцам на 4. И преподобному Иосифу стихеры, глас 5 на 4).
Преподобне отче, блаженне Иосифе, вельми подвизася на враги безплотныя, песньми, постом и молитвою быв образ своим учеником. И неленостно Христови работая, ныне убо преподобне на небесех ликуеши, со ангелы славословя Троицу Единосущную. Преклоняя начальниколюбие Христа Бога нашего, да спасет естество человеческое. Того убо моли, Тому помолися преподобне. Даровати вселенней единомышление, и чадом твоим мир и велию милость.
Преподобне отче Иосифе, велми подвизася на враги Креста Христова, и на отметающихся образа Спасова, и его пречистыя  Богоматере, и посрамил еси ересем начальники. Инне убо преподобне всех нас ко Христу поминаи, и молися о творящих верно святую память твою, презрети наша согрешения, и возвести нас на первое достояние. Того убо моли. Тому помолися преподобне. Даровати вселеннеи единомышление, и царю нашему на враги одоление, мир и велию милость;
Преподобне отче Иосифе, вельми тя Христос прослави, и дарова тебе слово божественаго разума, им же отсекал еси лжу от истины. И исторгл еси плевелы неверия. И научил еси славити Троицу Единосущную. Покланяема в трех составех  Единаго Бога. Того убо моли. Тому помолися преподобне. Даровати просящим исцеление, мир и велию милость; (слава, глас 6).
Радуися и веселися церкви Божия Матере со священники же, и с цари благочестивыми, и со благородными и христоименитыми,  иноки же и простыми. Блаженнаго Иосифа отца нашего днесь память почитающе, духовне сшедшеся празднуем. И честный гроб его обстояще любезно поклоняющеся, и молящеся рекуще: радуися отче наш Иосифе, светильниче пресветлыи. Врачю болящим и молитвениче ко Спасу Христу Богу нашему. От иже верою и любовию притекающих к раце мощей твоих. Моли спастися душам нашим; (Инне, празднику, глас 6).
Днесь неплодная Анна рождает Богоотроковицу, иже от всех родов избранную. В жилище всех царя и зиждителя Христа Бога. Во исполнение божественаго смотрения. Им же наздахомся земнороднии, и обновихомся от тля к жизни неконечней;

Выход. Прокимен, дню, чтения, 3.
      От премудрости Соломона, чтение, глава 5.

Праведницы вовеки живут, и от Господа мзда их, и попечение их от Вышняго, сего ради приимут царствие благолепия, и венец доброты от руки Господня. Яко десницею покрыет их, и мышцею защитит их. Приимет все оружие ревности Его, и оружие сотворит тварь вместь врагом. Облечется во броня правды, и возложит шлем суд нелицемерен. Приимет щит непобедим, преподобне.  Поострит же напрасен гнев, во оружие. Сбоборет с ним мир на безумныя, и поидут доброполучны: стрелы молниины. И яко от благокругла лука облаков на намерение перут. И от пращ камень, ярости исполн, падут грады, вознегодует на них вода морская. Реки же потопят напрасно, сопротив станет им дух силы и яко молнии разженет их, и опустит всю землю беззаконие, и злодеяние превратит престолы сильных.  Слышите убо царие и разумейте, и навыкните судия концем Земля. Внушите держащеи множества, и гордящися о народех языке. Яко да на бысть от Бога держава вам, и сила от Вышняго;

От премудрости Соломона,
          Чтение. Глава 3.

Праведных душа в руце Божии, и не прикоснется их мука. Непшевани бывше воочию безумных умрети. И вменися озлобление исход их, и еже от нас шествие сокрушение, от ни же суть в мире, ибо пред лицем человеческим, аще и муку примут, упование их безсмертия исполн. И малом пока зани быша, великая восприимут. Яко Бог искуси их. И обрете их достойны себе. Яко злато в горниле искуси их. И яко всесожжения жертву приять их. И во время посещения их воссияют, и  яко искры по стеблию потекут. Судят языком, и обладают людьми, и воцарится в них Господь вовеки. Надеющеися нань разумеют истину, и вернии в любви пребудут о нем. Яко благодать и милость на преподобных его, и посещение во избранных его.

       От премудрости Соломона, чтение.

Праведник аще постигнет скончатися, впокои будет. Старость бо честна немноголетна, ни в числе лет исчитается, седины же суть мудрость человеком и возраст старости житие нескверно. Благоугоден Богови быв. Возлюблен бысть. И живыи посреди грешник, преставлен бысть, восхищен бысть, да не злоба изменит разум его. Или лесть прельстит душу его. Рачение бо злое губит добрая. И парение похоти пременяет ум незлобив. Скончався вмале, исполнит времена долга. Угодна бо бе Господеви душа его. Сего ради потщася от среды лукавьствия, людие же видевше и неразумевше, ни положиша в помысле таковаго. Яко благодать и милость на преподобных Его, и посещение  во избранных Его;

На литии преподобному Иосифу,
Стихеры, глас 5.

Подобен радуися.  Радуися священная главо, преподобне отче наш Иосифе. Ангельским ликом собеседниче в вышних, на Земли бо добродетельно пожил еси и явися пред чисто и несквернено зерцало, Духа Святаго зарями блистаяся пребогате. Заряем зряше будущая. Тем же Христа Бога моли. Мир даровати душам нашим и велию милость.
Радуися священная главо, постником  непобедимыи столпе, инокующим исправление. И ересем новоявленным  боговдохновенными своими писаньми злочестивая их уста заградил еси. И бесом стремления погубил еси. Крестным оружием вся кознодеиства отгоняя. И по преставлении своем жив Святеи Троице предстоиши. За ны моляся о чадех своих, даровати душам нашим мир и велию милость;
Радуися священная главо, умом просвещеным душу свою, отче, просветил еси. И от земных преставися в Христово царствие Иосифе преблаженне. В постницех ты светел явися. Пища нестареемыя ныне насыщаяся, о нас, рабех своих Христу Богу молися. подати нам оставление грехов, и велию милость (слава, глас 6).
Преподобне отче, сохранил еси доброту еже по образу Божию, плоть покорил еси духу. Сего ради вселися в тя пресвятыи дух. Его же деиствием светло украшен. И прият дар исцелением притекающим с верою ко гробу мощей твоих. Молися Христу Богу даровати царю нашему на враги победу, и миру умирение и церквам единомыслие, и душам нашим велию милость;

(Инне, празднику, глас 8. Благознаменныи день. Настиховие, стихеры, глас 2. Подобен дом евфрафов)

Приидете  ублажим преподобнаго Иосифа постника и воздержника. И иноком начальника. Христова угодника (стих. Блажен муж бояися Господа).Днесь вернии ублажим преподобнаго Иосифа. Истины слова сказателя. И даждь ми Христе слово разума, да воспою твоего угодника преподобнаго Иосифа.
Повинулся еси преподобне вседушно своему отцу, преподобному Пафнотию. И бысть яко другий Исаак, ради крайняго послушания. Тем же, преподобне, в тя вселися пресвятыи дух. Его же действием светло украшаем. Инне предстоиши Святеи Троице радуяся; Уподобился еси, преподобне Иосифе, древнему Иякову, послушавшу своея матере. Отча благословения приемшему. Ты же преподобному Пафнотию повинулся еси. И от него благословение прием, устрояещися пастырь Христова стада в тои же обители. Богу тако извольшу;
К тебе прибегаем Богородице всепетая, и Тебе припадающе молимся. Твоим ходатайством Владычице, и молитвами твоего угодника преподобнаго Иосифа, милостива нам сотвори. Его же пречисто и недоведомо родила еси Христа Бога нашего;

Песнь 3. Ирмос.

Процвела есть пустыни яко крин Господеви, язычная неплодящия церкви пришествием ти. О ней же утвердися мое сердце; Даждь Христе мои Спасе прощение многих ми согрешении. Яко да и мы почитаем память твоего угодника преподобнаго Иосифа. Его же молитвами спаси нас; Твоими молитвами же и мольбами милостиваго умоляй Бога, преподобне отче наш Иосифе. И греховныи мрак печали нашея разори, и благодушия утешение низпосли;
От младенчества ты, блаженне Иосифе, познан бысть Богом,  и к нему надеяся наставляем, на спасеная Его повеления. Ему же инне предстоя, со дерзновением о нас молися;
Единаго от Святыя Творца слова сына родила еси Дево Пречистая. Его же с преподобным Иосифом  о рабех своих моли. Верою просящих грехов прощения;
(Инне, ирмос).
Тобою, Христе небеса утверждаема вся, слово Божие и сила, исповедают славу неизреченну, и вседетельныя руки твоея сотворение, несть бо Пресвята, разве тебе Господи;  Не предаждь, владыко, своего достояния врагом хвалящимся на ны, молим тя милостиве. Спаси православнаго царя нашего, и нам буди милостив своим рабом. И избави нас Христе царю мучения, и огня негасимого, и сподоби нас деснаго предстояния, молитвами преподобнаго Иосифа.
Наполнися сердце твое преподобне благодати Христовы, и праваго учения был еси образ иночествующим, всякими добротами духовными. Не дал бо еси сна своима очима, ни веждома дремания. Но яко стяжа дерзновение ко Господу, моли о нас молим тя. Да будет нам милостив в день судныи;
Яко лев страшен из пустыня устремився, устрашил еси безбожныя еретики. Имея преподобне меч духовныи, еже есть глас Божии. Посекл еси возникшая нечестия, и искорени исторгл еси злославных учения. Собрал еси яко трудолюбива пчела от всех книг божественая словеса. И сими уста скверная безбожных заградил еси, преподобне Иосифе;
Дивятся Мати Божия и небеснии чинове красоте души твоея, и чистоте девства твоего. Мы же земнии недоумеем глаголати несказаннаго рождества твоего. Его же тайно научаищеся познахом тя родившую Христа Бога нашего. Его же милостива нам сотвори, в день судныи страшнаго пришествия Его.

 Ко празднику, таж, преподобному седален, глас 3.

Подобен красоте девства Христова угодника, Евангельскому учению послушника. Светло празднуем преподобнаго Иосифа память. Приидете  ублажим странноприимца суща. Сирым и вдовицам заступника тепла, и нищим дателя нескудна. Целомудрию хранителя и добродетелем делателя и ересем обличителя непостыдна. И светильника русскаго. Его же ради просяще от Христа душам нашим спасения, и мирови велия милости;
Слава, и ныне празднику. Аще ли поеши преподобному Иосифу кроме попразднства. Господеви ли предам.
 Слава, и ныне, сей.
Земнороднии тобою спасени быхом Пречистая Богородице. Прежде век бо отца рождьшагося сына Божия народила еси. За милосердие и добродетели пшеницу собрал еси, ею же нас, чад своих питаеши; Пречистая Богородице вемы тя христиане твердую заступницу, и скорую помощницу и в бедах избавление. Тем же молим тя, испроси нам у Христа множеству согрешении прощение. И вечныя муки избавитися;
Песнь 5. Ирмос.
Ходатай Богу и человеком бысть Христе Боже. Тобою бо Владыко, к свету начальнику отцу ти. От нощи неведения преведение обретохом. Умом чистым,  и писании божественными беседовал еси, богоглаголиве Иосифе. И видения и деяния собрав богатство отче преподобне. Премудрости глубину испытав  премудре Иосифе. Достигл еси обрести елико благопотребно. И бисер многоценныи болезньми стяжал еси, преблаженне разума; Аще земное отечество блаженне Иосифе оставил еси. Всячески богоименитну Божии Матери обитель совокупил еси. И множество инокующих в ней собрал еси. Сего ради первое отечество небесное прият. Со дерзновением отче за ны молися Христу Богу о рабех своих.
Се во чреве Богородице Пречистая Христа Бога  паче слова имела еси. Яко же Исаия провозгласи. Выше естества, сего Богородительнице родила еси;
 Инне, ирмос.
Мир мног любящим тя Христе. И нощь просвещения в пищи словес ти. Сего ради из нощи утренююще, просим милости от тебе, человеколюбче;
Всяк книжник научився божественному писанию, подобен есть царствию небесному. Ты же, преподобне, поревновав Евангельскому учению. И от сих приял еси крепость духовную. Схарию жидовина посрамил еси, и его проклятые ученики таже мудрствующих, анафеме предал еси; Преподобне отче даровати Бог премудрость и слово разума. Проповедал еси в трех лицех единаго Бога. И сему  свидетельство  привел еси от божественных писании, научая поклонятися в Троице единому Богу; Преподобне отче Иосифе, безумных еретик глаголищих, яко еще Христос не родился есть, обличив.
Ризную худость имел еси преподобне Иосифе. Зиме же и лете не пременяя, болезнено претерпевал Бога ради совершенно. Тем же и небеснаго приятия сподобися наследник быти;  Слово твое солию растворено, отче. И житие твое благодатию преблаженне сияя явися пречудне. Тем же и в вышняя обители радуяся вселился еси. Христови со дерзновением инне предстоя, о нас молящися, управляющи пречистая наше житие, к твоему всетихому пристанищу направи. Бога бо родила еси благим источника, всем подая верным нетления благодати;

Инне, ирмос.

Отроцы в Вавилоне пещи пламенны не убоящася. Но посреди огня ввержени прохлаждаеми взываху: благословен еси Господи Боже отец наших;
Сказуя преподобне от божественых писании, како и которыя ради вины, подобает хрестияном поклонятися и почитати святыя иконы, и честныи крест Христов. И прочая священная воображения. Сим приял еси от Христа дарования поя. Благословен еси Господи Боже отец наших;

Из Египта страстей изшел еси преподобне. И прешел еси море житейское без истопления. И достиже гору небесную, и многи  грешных душа приводя Христу покаянием и поя. Благословен еси Господи Боже отец наших; Потопил еси преподобне фараона мысленаго в водах слез твоих. И его колесница  еже есть лукавыя бесове. И коня и всадники злоумныя еретики и безбожныя. И радуяся песнь победную воспел еси. Благословен еси Господи Боже отец наших.
Аз Дево Пречистая к тебе прибегаю окаянныи, искии тобою обрести спасение; вем бо Пречистая Владычице, яко можеши елико хощеши. Христа его же родила еси. Пречистая, моли. Да будет нам милостив в день испытания поющим. Благословен еси Господи Боже отец наших;

Песнь 8. Ирмос.

Пещь огнена иногда в Вавилоне детели разделяше. Божиим велением халдея опаляющи, верныя же прохлажающи поюща, благословите вся дела Господня Господа; Венец благолепен, Христос живодавец наверх твои положи, тезоимените Иосифе. Ибо деяньми просиял еси и видении. Явился еси зовыи.  Благословите вся дела Господня Господа.
Все прошед чювьство преблаженне. Уму первому  приближился еси, душа своея чистотою. Жития же светлостию венченосче Иосифе, зовыи, благословите вся дела Господня Господа; Ведши своеи божественное богатство, Духа Святаго собрав, непорочну молитву и чистоту краснолепну, бдение и воздержание. Сего ради жилище Святои Троице явися преподобне Иосифе;

Владычице Пречистая грешником спасение, приими молитву сию, и избави мя от грех моих, твоему сыну прибегающаго. Молитвами угодника твоего преподобнаго Иосифа;
Инне, ирмос.

Ужаснися бояися небо. И да подвижатся основания Земли. Се убо в мертвецех вменяется, иже в вышних живыи. Во гробе мале обитовает. Его же дети благословите, священнии пойте, и превозносите его вовеки.
Что безумнии еретицы всуе мятетеся глаголюще яко уже седмь тысящ лет скончася, а Христова пришествия еще несть. Сия глаголющих дерзостне обличил еси сказуя, близесть при дверех пришествие. Яко же глаголют праотцы и апостоли, им же сказа Святыи Дух, и научал пети, его же дети благословите, священнии пойте и превозносите его вовеки;
Страшно есть впасти в руце Бога жива безумнии не льститеся, не крестит Христос по смерти спасенным крещением, неправе о Нем мудрствующих. Но во огни негасающем мучит. Мы же вернии у Христа просим время покаяния. Да будет нам милостив в день страшнаго Его пришествия. Сия преподобне глаголаше и нас уча пети. Его же дети благословите. Священнии пойте и превозносите Его во веки.
Моисей великий в пустыни повеле Израилю выспрь на медныи змий взирати.  И тако угрызения змиина избавахуся. Ты же, преподобне, нечестивыя научая  покланятися кресту животворящему и славити Святую Троицу во едином Божестве. И сим избавлятися прелести змия мысленаго диавола. И нас уча пети. Дети благословите, священнии пойте и превозносите Его во веки;

Богородичен.

Тобою Пречистая Богородице, от всякия напасти избавляемся. Избави нас Мати Божия и вечнаго осуждения. Да зовем ти немолчно. Радуися купино неопалимая, радуися горо присенная. Радуися запечатленныи источниче, радуися Дево Пречистая, Господь с тобою. Его же благословит вся тварь и превозносит его во веки.

Песнь 9. Ирмос.

Безначальна родителя Сын Бог и Господь воплощься от девица нам явися. Мрачная просветити, собрати расточеная. Тем всехвальную Богородицу величаем: Пречестныи отче Иосифе, инне честно услаждаяся, и пищу приемая паче умныя иде же собори святых о кресте Господа ликуют блаженне. Иже инне чтущая тя, ходатайствуя к себе привлецы;
Преиде радуяся к желанием краеви, ко единому воистину яве блаженству, к пребольшей доброте. И к жизни воистину нестареющеися, и к свету невечернему богоносе, отче Иосифе;
Яко же солнце просиял еси во иноческих соборех. От младых бо ногтей освящен был еси. Яко же зарю испущая добродетели своего жития, преподобне Иосифе богоносе отче пребогате.

Богородичен.

Разумевше издалеча прозорливыма очима пророцы тя яве провозвестиша. Хотящую матерь быти, вседетелю  и Владычице всех. Тем тя всепетая Богородицу исповедуем;
Инне. Ирмос.
Не рыдай мене мати взирающи во гробе. Его же плотию без семени зачала еси сына. Востану бо и славен буду. И вознесу со славою немолчно яко Бог верою и любовию тя величающая;
Преподобне отче Иосифе, поминай нас чад своих к Христу Богу нашему, да спасет от всяких бед и скорбей. И сподобит милости и деснаго предстояния в день судныи славити свое Божество. Верою и любовию его величающая; Преподобне отче Иосифе иноческое житие возлюбил еси и хулящим сие уста заградив. И апостола Павла еже к Тимофею словеса утверждая, яко иноческое житие Богови приятно есть. Ему же и ты сим благоугодил еси. Сего ради тя ублажаем.
Яко Исус Наввин подвизася на ерихоняны тако и ты блаженне словесы своими безбожных уста заградил еси отступнике. И многая неверия укротил еси, и научая славити Святую Троицу. Сего ради тя ублажаем;

Богородичен.

О, Пресвятая Владычице Богородице, не имамы помощи иноя разве тебе. Молися сыну своему и Богу нашему, с преподобным Иосифом. Да соблюдет царя православнаго, и сохранит царство его нерушимо. И да спасет нас. Верою и любовию тя величающая;
Светилен, преподобному.

Мирскаго пристрастия яко от скверны уклонился еси. И алчбою плоть свою увядил еси отче. И небесною славою со ангелы обогатися. Тем же непрестанно моли Христа Бога, преподобне Иосифе;

Нахвалитех, стихеры, на 4, глас 5, подобен. Преподобне отче.

Преподобне отче, душу свою с телом очистил еси. И Святому Духу прекрасная обитель явися, и славна тя концем преблаженне Иосифе содела. В чюдесех же века светильника, просветившаго сущих во мраце неведения. Яко наставника многим иноком, сошедшеся велемудрено ублажим;
Явися богоблаженне мудрая пленица,  связая многая враг ополчения; тем же и венцем увязеся неувядающим.  Веселие и радость вечную восприял еси богомудре Иосифе. Моли даровати мир мирови, и душам нашим велию милость.
Преподобне отче телесныя страсти зельным воздержанием и постническими молитвами же и труды успил еси. Слезными же потоки и поты, углия сладострастия погасил еси. И в чюдесех славна тя показа Господь, русским людем Иосифе блаженне. И украси тя вышними даровании. Ему же бо служиши с небесными силами, Исусу человеколюбцу и Спасу душам нашим;

Слава, глас 6.

Приидете празднолюбцы, и постник со словие верою сошедшеся. Истиннаго постника днесь почитающе. Радуяся шествовавшаго по стопам Владыки Христа, узкий путь безстрастно житие. Яко же древле Авраам праведныи, преподобне отче Иосифе, страннолюбие притяжал еси. Тако же преселися от отечества своего до места, и де же ныне лежит честное тело твое. Тем же вси притекающе вопием ти.
О всеблаженне и преподобне Иосифе постником похвало и собеседниче бесплотным, благочестивому же царю нашему на поганыя способниче, и наставниче иноком. И о нас молися о рабех своих Христу Богу нашему спастися душам нашим;

На литургии, блаженна от канона. Песнь 3-я, 6-я. Прокимен.
Честна пред Господем смерть преподобных его. Стих. Что воздам Господеви от всех, я же воздаст ми. Апостоле к галатом, затем, Сбереги  братие плод духовныи. Аллилуиа. Стих. Блажен муж  бояися Господа. Стих. Сильно на Земли будет семя его. Евангелие от Матфея. Затем много, рече Господь своим учеником вся мне предана суть отцем моим. Причастен. В память вечную будет праведник.


Переложение на современное написание.
Сентябрьская  Минея.
Предположительно, конец ХVI века.

Иже – который
Еси – есть, быти
Невеглас – невежда, простак, неучёный, безграмотный.
Велию – великую.
Гождати – бранить, выговаривать, ругаться.
Сторичественный – стократный. Сторичествую – умножаю во сто раз.
Вельми, велми – много.
Оубо, убо – итак, впрочем, следовательно
Вельство – великость, обширность.
Успил – усыпил
Наздатися – быть сооружену, поставлену
Перу  - попираю, топчу.
Дътельство – делание, приведение в действие, совершение, деятельность.
Непшевание – мнение, предлог, прикрытие, вид.
Зане – потому что
Нань – на него, на нас.
Крин – лилия
За ны – за него
Елико – сколько
Азъ – я
Выспрь – вверх
Ирмос – связь, соединение.
Алчба – голод
Зелие – зелье
Прокимен – предлагаемый, вперёд поставленный.
Ине – но, то, так, итак, разве, только.
Присенная – дающая тень.

Авторский литературно-публицистический альманах Петра Ткаченко "Солёная Подкова", выпуск седьмой, М., издательство "АЛЕКС", 2010 г., стр.278 - 291. Иллюстрации: ксерокс: Службы преподобному Иосифу Волоцкому. Сентябрьская Минея. Предположительно конца 17 в., виды Иосифо-Волоколамского монастыря.
Материал к публикации подготовила Катерина Беда.