Далёка ў мінулым
Усе вогнішчы вайны,
Але ў сэрцы чулым –
Пякельныя дымы.
Усё яшчэ клубіцца
Шалёны чорны дым...
Пра гэта не забыцца,
Бо ўсе мы ў дыме тым.
Спалілі вёску бацькі
І памяць, як палын!
Гуляў агонь там хвацкі,
Згарэў і дзедаў млын...
Прапалі ўсе прылады
Сялянскага жыцця.
Агонь гарэў панадны,
Не будзе забыцця.
Быў паратунак у лесе,
Жыла ў ім уся сям’я.
Гасціннае Палессе,
Табе ўдзячна я...
Калі стаў партызанам,
Таксама ў лесе жыў,
І шчыра, і аддана,
Радзіме ён служыў...
Прайшоў вайной нямала
Лясных лiхіх дарог.
Адолеў ён навалу,
Радзіму нам збярог!
Спалiлi Выганашчы
© Copyright: Татьяна Цыркунова, 2021
Свидетельство о публикации №221051001007
Свидетельство о публикации №221051001007
Рецензии
