А час так хутка пралятае,
Няма як азірнуцца,
Перакананне замятае,
Што вёсны зноў вярнуцца.
Ды загучыць пяюн-салоўка,
Ён ведае ўсе ноты,
Ды сціхне, згіне пустаслоўе,
Не будзе больш нудоты.
Ізноў вярба засвеціць ясна
Прыгожай чараўніцай...
Заранка ў небе не загасне,
А ўспыхне бліскавіцай.
Ды вернецца вясна наросхрыст,
А з ёй перакананасць,
Што бруд адмыюць слёзы-росы –
Ва ўсім – наканаванасць...
Вясна вернецца
© Copyright: Татьяна Цыркунова, 2021
Свидетельство о публикации №221052500476
Свидетельство о публикации №221052500476
Рецензии