Зара-зараніца
Касу расплятала,
Шчодрай чараўніцай
Да нас завітала.
Узышла заранка
Над вясновым лугам,
Абвясціла ранак –
Ён цягнуўся цугам.
Абліліся зёлкі
Чыстаю расою,
Бачыць іх няёмка –
Нібы са слязою.
Усё вакол расіцца
Гэтым ціхім ранкам,
Пэўна, каб памыцца
Добра ды старанна.
Напасці вадзіцы
Да паўдзённай спёкі,
Досыць каб напіцца,
Вечар жа далёка.
Зара-зараніца
Расу раздавала.
Волкае спадніцы
Не пашкадавала.
Зара-заранiца
© Copyright: Татьяна Цыркунова, 2021
Свидетельство о публикации №221060100417
Свидетельство о публикации №221060100417
Рецензии