Напаўзаюць хмары,
Пэўна, дожджык будзе.
Кропелька на твары –
Радуюцца людзі.
Вось была ж спякота,
Аж палі "гарэлі",
Гэткая мярзота –
Быццам бы, іх грэлі.
Людзі наракаюць
На ўмовы тыя.
Ды дажджу чакаюць –
"Стогнуць" яравыя.
Недарод магчымы…
Як нядобра гэта!
Ёсць таму прычыны,
Звыш сухое лета!
Лёс сялянскі цяжкі –
Праца ды надзея
На прыроды ласку –
Дожджыкам павее…
Чаканне дажджу
© Copyright: Татьяна Цыркунова, 2021
Свидетельство о публикации №221060300345
Свидетельство о публикации №221060300345
Рецензии