Два колера толькі вачэй –
Шчаслівыя ды няшчасныя.
Шчаслівыя вочы ярчэй,
Зоркаю свецяць нязгаснаю.
Яны зіхацяць у начы,
Напэўна, і зорак не трэба,
Праменне іх будзе пячы –
Вялікая сэрца патрэба.
Няшчасныя вочы тугі,
Калі нас ніхто не кахае.
І свет падаецца глухім,
І дома ніхто не чакае.
Няшчасныя вочы ў слязах,
Павекі заўсёды чырвоныя.
Я бачу ў іх роспач ды страх,
І думкі з’яўляюцца чорныя.
І колераў іншых няма,
Стан сэрца – вось гэта галоўнае!
Я ўсё зразумела сама –
Выснова мая паслядоўная.
Два колера
© Copyright: Татьяна Цыркунова, 2021
Свидетельство о публикации №221060300370
Свидетельство о публикации №221060300370
Рецензии