Зацвітае каліна –
Як бялізна суквецці.
Гэты цуд зіхатлівы
Найпрыгожшы на свеце.
Паднялася высока,
Як сапраўднае дрэва.
З кронай пышнай, шырокай,
Быццам бы, каралева.
Доўга як гадавала,
Ствол вясною бяліла.
Парасткі я пазнішчала,
Не забралі каб сілу.
Вырасла прыгажуня,
Аж да ашаламлення!
Сада краля-красуня –
Чары да захаплення!
На ніводнай галінцы
Не пабачыш лісточка.
Кветкі для чараўніцы...
Вось вядзьмаркіна дочка!
Зацвітае каліна –
Шар прыгожы, духмяны,
Як нявеста-дзяўчына –
Белы вэлюм... нятканы...
Зацвiтае калiна
© Copyright: Татьяна Цыркунова, 2021
Свидетельство о публикации №221060600504
Свидетельство о публикации №221060600504
Рецензии