Ландыш расце каля дома,
Цэлае мора бушуе.
Кветкамі дорыць нястомна,
Водарам сэрца пястуе.
Раптам успомнілась песня
Светлага траўня прыветам.
Голасам, нібы ўваскрэсла,
Кветачак белых букетам.
Колькі ў кветках пяшчоты,
Пах незвычайны, цудоўны.
Лезе сцябло, нібы шчотка,
Ландыш вясною чароўны.
Цэлае мора квітнее,
Красачка – безліч "званочкаў".
Ландыш лагодзіць умее,
Радуе колькі гадочкаў.
Ландыш – зялёнае мора,
Пах яго тонкі, чароўны.
З травеньскім белым уборам –
Што можа стаць яму роўным?
Ландыш
© Copyright: Татьяна Цыркунова, 2021
Свидетельство о публикации №221060700331
Свидетельство о публикации №221060700331
Рецензии