Фу пуз шулу узхьан?

               
                ФУ ПУЗ ШУЛУ УЗХЬАН?
…
– …
– Аьзиз аба, увуз аьгъю гъабхьнийк1ан яраб уьмур фукьан уткануб вуш?
– Масан йиз хтул, яв туврайи суалнаан рябкъюразуз уьмрин утканвал увуз гъябкъюб!
– Аьзиз аба, увуз аьгъю гъабхьнийк1ан яраб уьмур фукьан уччвуб вуш?
– Масан йиз хтул, яв туврайи суалнаан рябкъюразуз уьмрин уччвушин увуз гъябкъюб!
– Аьзиз йиз аба, увуз аьгъю гъабхьнийк1ан яраб уьмрин т1яаьм фукьануб вуш?
– Масан бай, ккуни вуйи йиз хтул, яв туврайи суалну узу ап1ура ч1иви!
– …
…
                ***
…
– …
– Кюкйири хяр абц1на!?
– Хъа вуш гьап1за?
– А ямаан… яраб увуз фу кубк1найк1ан?
– Хяраз дуфнайириз фйир к1урава уву?
– Йиз аьдатсуз суал уччвуйи рябкъюрадайвуз?
– Хъа узу мина кюкйириин гьяйран хьуз дуфнайин?
– …
…
– …
– Эээй?
…
– Гьееей?
…
– Дих-дик1 амдардияв?
– Гьяйран духьнайирихъди яв фу вуяв?
…
– Ч1ирув кавхьрувук, изукнакьана пундайда нивкъар уьлдезе к1уди…
– Марццирик ч1уруб кбибисур! Ч1уруб кайирихьанра марццир хьуз шул! Сифте гъапундайин увуз кюкйири хяр абц1на к1ури?
– Хъа йиз фу хиял хьивди, гьацирихъинди к1уруб вуйин?
– Узу мал дардуза, жан! Кюкйир дарди нивгъвар шлуб вуйин? Гьяйран дарди ап1руб дап1нура гьаз ву!?
– Ттууч1ву чаннув гьувччвус…
– Узухьди пуз гъитрайир уву вува! Адабгъ яв дюч1юбкьнайи юк1в! Деебт табиаьтдизди! Увузра рябкъидивуз гьяйранвал!
– …
…
                ***
…
– …
– Аьзиз аба, уьмур гьаци уткануб вуки?!
– Масан йиз хтул, дердер гъян’ан кам шуладариз!
– Аьзиз аба, уьмур гьаци ширинуб вуки?!
– Масан йиз хтул, улариъ кьяшишан имдариз!
– Аьзиз йиз аба, уьмрин т1яаьм гьациб вуки?!
– Ккуни вуйи йиз хтул, яв крач1урайи улариан гьамус рябкъюрайиз!
– …?
– …Адашдин бай! Магьа сабпи нивгъра ул’ан удубзриз…
– …
…
                ***
…
– …
– Я инсан, гьаму къарагюн дюньяйи фтиин шадди ава?
– Узуз шад дархьуз фти мяшат ап1ура, агьали?
– Узузра мяшат ап1руб адариз, амма…
– Адруган «амма» гьап1руб вуяв? Узузра «амма» адарди дарзуз, хъа узу дюньяйиз жараси лигураза.
– Фици жараси? Узузра гьацдар улар ча гьеле!
– Агь ап1уз хьибдарвухьан! Йиз улар дердери гизаф гъижик1дар вуйиз!
– Гьадмукьан фу дердер алахьунвуз, багахьлуйирихъ мягьрум гъахьунна?
– Аьзиз кас, йиз аьзабар, дюнья аьгъю дарап1валилантина улукьдар вуз’ин!
– Дердагьли, дюнья аьгъю гъап1унна?
– Гъап1унза! Дидлан савайи, дидин Аьхюрихъдира таниш гъахьунза!
– Шадагьли, узура таниш ап1инава?
– Нигь ап1уз хьибдинухьан му дюнья?
– Хъа узуз багьа вуйидарикан гьап1за?
– Гьурк1ну дердер алахьундарвуз, арабгурайи кас, дуруту хямрин уьлер иццидар даршул!
– …
…
                ***
…
Пч1у уьмур,
ип1руб фургьанди,
зегьмет зигруб имдар,
мистар – варишвариъ,
сарун фу ккунди имивуз?
Вари тувдизавуз!
Кьиматар заъра пну ибак мап1ан,
уьзрарихьан рубар йивураза,
дяви хьуз гъитидарза,
артистар – ккуни жюре,
футбол–хокей – вари окей,
сарун фу ккундувуз!?
Яв юк1в йиз гъурдаъ
мюгькамди дибисназа!
Яв кьулгьйири ап1уразу фурслу
Йишв-йигъ урхури дурар
сикин махьанай – учвуз
ккабалгураза женнет шубар айи уччву!
Хъана фу-вуш гьубк1радар к1уру фикрар гъитай,
гъизилна арснахьди ац1дизаячв ужагъар,
Дин – ву ичв бин,
Бин ккадабхъуз ужудар!
Хъана фтиин дарчва рази?
Макап1анай узук хъял,
…!
…
                ***
…
Шад шлуб вуйин арда шид хъа к1ури булагъдихъ –
гъюра к1ури аскканзина дифар,
чиг ал к1ури ук1ариин,
уьл ка к1ури дерник,
биц1ир ка к1ури шинтак
ва уьрхна к1ури к1анариъ?
…
                ***
…
Шад шул гъуллугъ ккубкьбиин –
пул артухъ ап1биин,
уччву дараматариин
ва
интернетдиин!
…
                ***
…
– Аьзиз дада, масан дада, чава яв хил йиз хилиз, лигуза душваъ гъизил имиш?!
Ккуни адаш, гирами адаш, имийк1ан яв к1ваъ узуз йишв!?
Курк1ачва йиз гарц1ларик ичв машар!
Машарилан гъушу нивгъар ап1узаячв ккунивалин хабар,
заълан вуйи масанвал айи!
Гъачава гъардаш, гъачава чи, гьадму хабаъ архьачва йиз!
Учвут1ан имдариз, йиз ккунидар, учвуз ап1уз макар!
––––––––––––––