Алинка-малинка

АЛЕКСАНДР ЩЕРБАКОВ-ИЖЕВСКИЙ
АЛИНКА-МАЛИНКА (Перевод на удмуртский — Ада Диева)
…Нырысетћ этажысь утялтэм кунокуаын кемалась тодмо, гажано выжы-кум луись но одћг интыын ужась эшъёс люкаськизы. Карлэн шораз дуно куноос яратоно, визьнодо, инмарен сётэм чебер кышномуртлэсь – Алиналэсь вордскем нуналзэ пусйизы.
Ижкарын пќсь возиськиз, инбамын одћг пилем но ќвќл. Љќк сьќрын куноос пукыку, укнолэн вылтћ усьтћськем интыетћз карлэсь улон люкетсэ адњыны луиз.
Нырысь ик син шоры йќтћз жуг-жаг люкан инты. Ваньмызлы акыльтэм, сапрес дћсяськем макеос, мынћсь-ветлћсьёс шоры учкытэк, куспазы чик возьдаськытэк бадњым куараен вераськизы, донгаськизы, пиньтэм ымъёсынызы азбар тыр џашетћзы. Та улон интытэк кылемъёс-пыдйылчиос (бомжъёс) котьку юрџым адњиськылћзы. Ма, паймонэз ќвќл – улонмылэн жуг-жагъёсыз, мылемъёсыз. Соослэн вќзазы но уг луы сылыны: миськымтэ мугорзылэн зыныз иськемысен кылћське-шќдћське. Тќрнам, мычиськымтэ ымныразы учкыса арлыдзэс ик уд вала. Али но тћни пќлысьтызы куинез вожвылъяськисьёссылэсь таланы, асьсэлы гинэ карыны быгатэм жуг-жаг люкан бакъёс дорын маке но утчазы. Нокин соослы ќз люкеты.
Ог вить минут ортчыса, олокытысь калгись кык пуныос вуизы. Бер кук вылазы султыса, соос но учкыны кутскизы бак пушкы. Собере пакетъёсты кесяса но берыкъяса, дыртытэк гинэ утчазы маке но сиыны луонозэ.
Куддыр сосискаос пакетын кема кылльыса вузёмо но пурысьтаны кутско. Татын номыр кышкытэз ќвќл: конгыртћськод но вылысьтыз нумыръёсыныз џош куштћськод, нош кылемзэ сумкае понћськод.
Сћльлэсь лэсьтэм макеосты люкаса тыл вылын пирсато дыр та пыдйылчиос. Быгатыса пирсатћд ке хот-дог сиёнэз – ческытлэсь но ческыт луэ, кылдэ ньылод.
Та адямиослэн валтћсьсы Маргел нимо, лэся. Лапеггес но паськыт пельпумо, аслыз юн оскись воргорон.
Петруня – таиз отчы но татчы но ќвќл шуыны луоз, жугемлэсь синулъёсыз весяк лызэктылэмын луо солэн. Вератэк кельтыны уг луы одћгтэм пешкытъям пиньёсын, ожмаськонын контузия басьтэм, ВДВ-ысь азьло десантник, Дэхапэ (ДХП) кушем нимо Николашкаез но.
Улон интытэк кылемъёс вожпотытэк ке но вераськизы, љќк сьќрын пукисьёслы со синмаськымон ќй вал. Тужгес но кулэез ведь лулмугор ќвќл, а уксё, коньдон.
– Малпаськы ай ачид, кинлы кулэ умой, лякыт сямо, капчи мылкыдо пыдйылчи – бомж? Нокинлы кулэ ќвќл тынад зарни сямыд. Соин ик уксё бордын гинэ кужым!
– Тон мар олома кулэтэмзэ супыльтћськод, кылдэ бышкиськод? Мон кема ќвќл узыр адямиен ваче кымыс луи. Мынћсько ини ас ужъёсыя, нокинлы уг люкетћськы, «куакаосты лыдъясько» но сюрес вамен выжисько. Шќдтэк шорысь олокытысь чилясь сьќд «Бумер» потћз, ќжыт гинэ ќз лёга, ява. Пайми, руль сьќрын пукись дугдћз ведь. Чиль кисьтаськись зарниен дћсяськемын со, укноетћз йырзэ мычиз но, гажаса кадь вера: «Тћледлы, кечтакаослы, пыдын выжон инты вань». Ма, ќжыт паймытэк но ќз луы. Сыџе йќно но лякыт сямо адями мыным фамилиеным вазиськыны ќз юрды. Депутат, дыр, со. Сћзьыл быръёнъёс азьын калыклэн медоосыз котьку йыбыртъяно луо.
– Мон но ноку уг сётскиськы, котьку шунды улын инты понна тыршисько, нюръяськисько. Кунгож сьќр сур њенеликъёсты гинэ сётъясько, малы ке шуоно њучъёссэ уг басьтыло.
– Хэ! Иське тон бомж ќвќл, а њенеликъёсты сётъясь менеджер!
– Котькызьы нима но, мон зэмзэ верасько.
– Юнме тћ ог-огдылы шырпу бышкаськоды. Мон но ноку но менеджер ќй вал, озьы ке но сюл пушкам вуытозь кадь тодћсько, мар со сыџе нуналлы быдэ кыџе ке чыры-пыры но аслэсьтыд нокинлы кулэтэм, номыртэм улондэ кузьгес карон понна ултћямез чидан...
– Ярам, визьпогъёс. Эн алекъяське. Асьмеос пионеръёс выллем: тылскемъёс лэсьтылћськом, корт, картон, кагаз, вуж арбериосты люкаськом. «Пионерской зорька» но солэн девизэз гинэ уг тырмы на.
– Зэм но. Мугез вань асьме командамылы лозунг малпаны. Выленыз тазьыгес вазиськыны луоз: сурдэ ачид юы, водкадэ эшеныд люкы, нош Европаысь њенеликъёсты Петрунька бомжлы сёты. Кыџе пќрме, а?
– Ха-ха-ха! Вольыт пќрме, тынад, Маргел. Ваньмыз номырлы ярантэм гожъясьёс лушкемесь, кепырасесь, ќбкелясесь луо. Тон но кей сием пась кисыосын кылбурась номырин уд висъяськиськы, лэся…

Удмурт кылэ берыктћз Ада Диева
Кылемез вань на