Пародыя на песню "Зачараваная мая"
("Песняры", Ігар Лучанок - Генадзь Бураўкін)
Паглядзіш ты у сіняе неба-
Там ляціць спадарожнік-шпіён
Невядома, з якою патрэбай
Зазірнуў ён ў наш мікрараён.
І убачыш зусім ужо блізка
Ліхтары Астравецкай АЭС -
То рыпіць над тваёю калыскай
Навукова-тэхнічны прагрэс!
Прыпеў:
Гэта я з табой вечарую
Шампіньёнамі цябе я частую
Санітараў жахліваю моваю
Зачароўваю, зачароўваю
Закалыхваю я цябе
Пачытаеш мне зноўку газэту,
Што чытаў табе ўчора я
Там палітыкаў розных партрэты -
Нават ёсць сімпатычныя!
Ад навязлівай тэлерэкламы
Не схаваешся ты ўжо нідзе
И вытокі харчовай праграмы
Паплывуць ў трыфтазынавым сне.
Гэта я з табой вечарую
Вітамінамі цябе я частую
Трыфтазынаў жахліваю моваю
Зачароўваю, зачароўваю
Закалыхваю я цябе.
Гэта я з табой вечарую
Агуркамі цябе я частую
Санітараў пачварнаю моваю
Зачароўваю, зачароўваю
Закалыхваю я цябе.
Гэта я з табой вечарую - пародыя
© Copyright: Алексей Браницкий, 2021
Свидетельство о публикации №221070800908
Свидетельство о публикации №221070800908
Рецензии
