Изображение: источник - интернет.
/Мокшанский язык/
Лиихть, лиихть лямбе шири
Акша мацихть менельге.
Кисна кодавок аф кири -
Ётасть тёжянь вайгяльбе.
Жалфсна кулеви эрьхкть ваксса,
Мельгаст ваны мацись фкясь.
Лиель мархтост да аф максы
Пацяц сярядись, синдьфкясь.
Припев:
Э-э-э эрьхке, эрьхконя,
Сенеме эрьхконя,
Кода тон кельмат и кода крхкат!
Ванфтк акша мацинять,
Сяряди пацянять,
Ульхть эрек ваймокс, тят эйнда тят.
Пичедсь мацись кальнять ала:
Кадозь ялганза, юкстазь.
Кие араласы тялоть
Кельмонц эзда мацинять?
Ожнакс сельмостонза кевярсть,
Сенем эрьхкти сельмоветть.
Тюжя лопанятне пяярсть,
Кулом вастокс ацазь ведть.
Припев:
Э-э-э эрьхке, эрьхконя,
Сенеме эрьхконя,
Кода тон кельмат и кода крхкат!
Катк эряй мацинясь,
Сяряди пацянясь,
Эйндамс ведняцти тят макса, тят.
Эрьхе, эрьхконя!
© Copyright: Елена Николаевна Шилова, 2021
Свидетельство о публикации №221092201515
Свидетельство о публикации №221092201515
Рецензии