Изображение: источник - интернет.
/Мокшанский язык/
Золотань сюрьхцомса шяярнень сеендине,
Пиндолды ашкорксс илянснень кочкайне.
Визди ронгозень акша панарса вельхтяйне,
Кельме кяденень толть вельхксса эждине.
Тяштекс цифтордыхть пильксне пилесон,
Налхких ожнатне, кштихть крганяса.
Сурксне шнафтыхть пря питни кевняса.
Кинди няфтемат – аш кивок видесон.
Оцязор рьвя бта прязень срхкафтыне,
Сембе паршизень инголет таргайне.
Сельмоведьнень руця пеняса нардайне,
Кяжнень-варсинень куду меки мрдафтыне.
Вальмять ваксста веньберьф афи тушендонь,
Кити сельмозе педсь, ванфтонь мельганза…
Улень ашу стирнякс, кати-мес кельгомайть?
Арань содавикс, кельмома мес ушедоть?
Козяшить аф ужяль – пяле питнет мисан.
Кодак вайгяльцень эняльдить шобдаса маряса,
Нолдаф шяярьхть, аф виздесь, таштоня паляса
Пизмембачк эстокиге каршезт кяпе лисян.
Каршезт кяпе лисян
© Copyright: Елена Николаевна Шилова, 2021
Свидетельство о публикации №221092201622
Свидетельство о публикации №221092201622
Рецензии