Изображение: источник - интернет.
/Мокшанский язык/
Кенярьф лаймарьхне, сельмотне пиндолдыхть,
Туста шяярьцень ломаттне шнашендсазь.
Корхтат мархтон, траванятне мзолдыхть,
Кафта лотконят щёкатнень мазоптсазь.
Ладязь ётафтоськ мархтот идькспингоньконь,
Пачку явондоськ стирень ризнаматнень.
Марса лувондоськ пялевес книганьконь,
Сянкса тядяньке сюцсемазь кафцекнень.
Потмаёжеце сетявсь изь полафта –
Вестьке ваймостот корцень аф нолдасак.
Аф муят, коза инжицень озафтомс,
Ваномс мялезень, кода аф содасак.
Смузю валняце лезды аф эльбядемс,
Сембе мяньксонень видептьсайть саворне.
Шкайти эняльдян, кода аф сельмодемс
Апак фатяк тонь, кельгома сазорняй.
Сазорняй
© Copyright: Елена Николаевна Шилова, 2021
Свидетельство о публикации №221092201720
Свидетельство о публикации №221092201720
Рецензии