Изображение: источник - интернет.
/Мокшанский язык/
Нармонць кафта пацяса менельти лийкстай,
Синдьсы фкять – аф кеподи, шуфта пряста прай.
Тишеть потмос тапаряй, коза тиемс пряц?
Кали акша гулянять тяфтама илац?
Ведьфтома и вачеда ламос сон аф кирди,
Няйсазь равжа варсихне – лиихть сембе ширде.
Нокайхть срафтомс толганзон, явомс ётковаст:
Кинди пакарь полданят, кинди ляпе вастт.
Мокшэрзянь масторське – нармонь паця лангса.
Афольхть мянев, синдеве – ванфтомат синь сянкса.
Мокшетне да эрзятне масторть вии кяденза –
Шобдаванза-стяфтынза, матынза-иляденза.
Аньцек марса кярьмодезь лоткафтови «атямась».
Конашкава оцю тевсь – фкя-фкянь мархта ладямась!
Кафта пацят
© Copyright: Елена Николаевна Шилова, 2021
Свидетельство о публикации №221092201727
Свидетельство о публикации №221092201727
Рецензии