Сенем панчф нуланяце

Изображение: источник - интернет.

/Мокшанский язык/

Перяф кенкшкясь чикорды,   
Сргозсь ни ульцяце,               
Оцю кис прважасак,               
Акша пря стирняцень.
            
Колма шиста ваймосон          
Толмарсь ашезь матов,          
Лажадфсь ашезь ётафтов,      
Корхнемась из сата. 
               
Вармать ала либорди             
Снем панчф нуланяце.            
Кядьстот афи нолдасак          
Сельмоведь руцяцяняцень.   
 
Седись содай - пеняцей,         
Тотнай мяште потмосон.       
Стане, што аф кирдеви -         
Сюра пиксса сотнесан.
          
Шава куду тялонда                ,
Стака пяк ни лядомась.          
Васедемась - танцти медь,    
Оржа пеель - кадомась.
         
Кафта пяльде паксятне,          
Ашкотфт лежень котфса.       
Кшитхть стирнятне-келуфне, 
Шура куснень ёткса.
               
Ласьки кись, аф тапаряй-         
Коса пец, аф няян…               
Тядяняй, тят аварде,               
Курок тага саян...
               
Ащи сельме инголен               
Валда ризфу шамаце,             
Вармать ала либорди               
Снем панчф нуланяце.