Сенем сельме аваня

/Мокшанский язык/

Изображение: картина В. Волегова.

Ванат, серес ёмляня,
Ронгоцка шуваняня –
Моли каршезст саворне
Сенем сельме аваня.

Кафта кядьге рамафоц
Модати утяй.
Колма идень тядяти
Стакась токай най.

Стирьхне щамат-андомат,
Покайсь аньцек сон.
Аварькшек, тят аварькше –
Эряфсь тя аф он.

Сембе тефне лангсонзот,
Мирдец кудста тусь.
Мазы авань ашкоярйсь
Ошса паваз мусь.

Сёксетне и тялотне
Кандыхть сельмоветть,
Пизепне и варматне
Тошкайхть шить и веть:

– Козонга аф кондястят,
Ваномати ватт.
Алятненди эрявихть
Ават-панжи сатт.

Иттнень перьфкя шарондат,
Пряцень тонць юкстайть.
Коза сери кочкяря
Туфлятнень прдайть?

Тик кудрят и наряжак
Бта ёфксонь пава.
Велеряйхне няйхтядязь,
Мярьгих, баярава!

Кулхцонды и пееди,
Сединяц аф коли.
Сенем сельме аванять
Тевоц содай-моли.

Виде ронга кулунясь
Сталмода аф пели,
Якшамста аф синдеви,
Вармаста аф веляй.

О чём стих: Синеокая

Ростом невысокая,
Хрупкая фигурка –
Незнакомка встретилась,
С синими очами.
Стройная березонька
Тягот не боится,
В холод не сломается,
В ветер не согнется.