Эй, сенден сууудум, боранлы къадарым, бергенингден тойдум – тоярлай,
Мени сюесе, деб бек ышана эм да, болдум ышаныуну къоярлай.
Энди тилемейме сенден джакълыгъынгы, джауса, аны билдим – билирлей,
Сен атхан чунгурну джанын, тюбюн кёре, болдум джаханимни кёрюрлей.
Сенден ашхылыкъны джокъду сакъларыгъым, къоркъа – къоркъа къоркъмаз болгъанма,
Бу зулму дунияда кёз джашымы тёгюб, ол дуниягъа аякъ салгъанма.
Сен эштмединг мени, кёралмадынг хакъны, кёб болса да мени мараучу,
Мырды суугъа сугъуб тунчукъдургъанлагъа, тур – демейин, болдунг къараучу.
«Ёлген токълу къоркъмаз джаллыдан» – дейдиле, бош ачаса манга тишинги,
Энди ол обагъа сугъарынг къалгъанд да, кел да битдир къара ишинги.
Сенден сууугъанма, боранлы къадарым, бергенингден тойдум – тоярлай,
Мени сюесе, деб бош ышаннган эдим, сен сюймез кёреем, джоярлай.
1970.
Къадаргъа
© Copyright: Исмаил Семенов-Джырчы Сымайыл, 2021
Свидетельство о публикации №221092600825
Свидетельство о публикации №221092600825
Рецензии