/Мокшанский язык/
Изображение: картина Ф.В. Сычкова "Катание с гор"
Учсеф акша ловнясь прась,
Тялось велезонок сась.
Панихть цёрат нурдонят,
Озсихть орняса стирнят.
Лиихть алу пандонят,
Нурдсна – вишке айгорнят.
Ащан ськамон, аф курькснян,
Ташта щамнязень визнян.
Припев:
Нумолонь орня
Тядяй, аляй, стада!
Нумолонь орня,
Тямасть када штада!
Нумолонь орнять
Лямбонять мон щаса.
Нумолонь орнять
Панда пряса няфтьса.
Якшамсь суски, моли цят,
Щёка прятне якстернят.
Цёрась ашкодсы стирнять,
Лаймарь сельме Татюнять.
Кирдемшкац аш маласа,
Апак фатяк паласы.
«Эжття, мярьги, маконяй,
Кодане исяконя».
Нумолонь орня
© Copyright: Елена Николаевна Шилова, 2021
Свидетельство о публикации №221121901395
Свидетельство о публикации №221121901395
Рецензии