У зімовым лесе ціха,
Спяць пад снегам хвоі, сосны.
Ветрык снег закруціць ліха,
Ладзіць ледзяныя кросны.
Пад нагою лёд са снегам,
Падмарожана ўсё роўна.
Час зімовы хуткім бегам
Упрыгожыў лес любоўна.
У зімовым лесе добра.
Звіслі цяжкія галіны.
Пасмы доўгія, як кобры,
Упрыгожылі яліны.
Хараство вакол такое,
Што не бачна непарадку.
Цішыня, пара спакою,
Свет, прыкрыты снежнай шапкай.
У зімовым лесе — казка,
Чарадою доўгай — мары.
На дарозе — лёд, не гразка...
Распаўсюджаныя чары...
У зiмовым лесе...
© Copyright: Татьяна Цыркунова, 2022
Свидетельство о публикации №222010700584
Свидетельство о публикации №222010700584
Рецензии