Муратынг толмаз кёрюнсе,
Кюнюнг кече бла бёлюнсе,
Къарамынг къалса, кёрелмей,
Санынг къуюлса, тирелмей,
Ауур сагъышла алсала,
Джюрекге сынчыу салсала,
Сен муратынгдан аджашма,
Джазыуунг бла талашма,
Умутну кесме муратдан,
Акъыл айырма умутдан,
Джангыдан тюзет джолунгу,
Эсебле онгну, солунгу,
Джангы джол изле джетерге,
Муратны керти этереге,
Бир джол тыйылса - башха бла,
"Къонгур ат тюшсе - къашха бла",
Талпыулу болуб, джангыдан,
Кюч тилегенлей Аллахдан,
Чыракъны къолда тутханлай,
Акгыллылыкъны атханлай,
Тюшюу, туруугъа юренсенг,
Тыйгъычла ача джюрюсенг,
Бир кюн муратха келликсе,
Керти насыбны билликсе.
Унутма, ётгюр - ётюучю,
Къаджыкъмай баргъан - джетиучю.
Умут кесме
© Copyright: Софи Трам-Семен 2, 2022
Свидетельство о публикации №222011701604
Свидетельство о публикации №222011701604
Рецензии