Къыш келгенди къаралгъанны барын бирча акъ этиб,
Табигъатны тынгысына джашагъанны сакъ этиб,
Эски юйле, къар тюбюнде джангылача кёрюндюле,
Джалан тургъан терекле да акъ джабыугъа бёлендиле.
Къабба – къара джюреклеге бу чыммакълыкъ джетелирми?
Зарлыкъ, итлик, уру, алдау ичленинден кетелирми?
Болалырмы «тоба» дерик къолларында къан ыз болгъан?
Уялырмы кирлигинден хакъ ашагъан, тузакъ салгъан?
Къарт кестане бутакъларын терезеге таяндырыб,
Манга сагъыш этдиреди оюмуму айландырыб,
Эскериуле келедиле, акъылымда чауул къура,
Кёз аллымда, алгъындача, эски джаула, зарла тура.
Джауум – джегим бир агъарса бу акъ къаргъа кёзюн ачыб,
Джюрегине бир нюр урса, ичиндеги мортун чачыб...
Кюлген кибик, къарт кестане, ургъан джелден къалтырайды,
Акъылым да, болмаз затны, мыдахланыб ангылайды.
2018.Краснодар.
=======
Кестане-каштан терек.
Къыш кюнде
© Copyright: Софи Трам-Семен 2, 2022
Свидетельство о публикации №222011701747
Свидетельство о публикации №222011701747
Рецензии