Онгусузну эзгенлеге

Онгусузну кёзлери бла, Аллах бизге
къарайды,
Ауругъанны кереги бла, Ол, адамны
сынайды.


Тилегенни бош къайтарма, маджалынгдан
сайлаб бер,
Инджиулюге кёб айтдырма, дженгил джетиб
ишин кёр.


Хайуанны уруб, тюйюб, ашын, бауун
кем этме,
Къарыуундан асламыны  джюклеб аны
инджитме.


Арбаздагъы парийни да, хакъы барды
адамда,
Аны къолгъа биз юретдик, «патчахбыз» - деб
аламда.


Къартны сыйын кёрмегенлей, тюртюб мыдах
джашатма,
Ол ыразы болмагъанлай, бир ишни да
башлатма.


Адам  хакъы, хайуан  хакъы – барысы да
сорулур,
Бир хакъ ючюн минг суабынг, агъар суугъа
къуюлур.


Эки мёлек – имбашлада, гюнах, сууаб
джазыучу,
Алагъа уа,  не таша да, туру болуб
барыучу.


Саналмасын, уллу алам, бош къурулгъан
бир затха,
Мында джанла сыналалла, учар ючюн Гъарш
къатха.


Унутмайыкъ, хар затыбыз билинибди
Тёреге,
Ненча мысхал тартханыбыз, ачылыбды
кёреге.


Онгузузну къарамы бла, Аллах бизге
къарайды,
Хар кюнюнде этгени бла, Ол, адамны
сынайды.

2021