Аллах ючюн, тайдырмагъыз, чыракъ тутхан адамланы,
Омакъ сёзню айтмагъанлай, керти сёзню айтханланы,
Джан кючлерин аямайын, къыйын джолда баргъанланы,
Башхала да барыр кибик, джангы сокъмакъ салгъанланы!
Аллах ючюн, сакъ болугъуз, джан джарыгъын сёнгдюрмегиз,
Джан ачытыр бир тик сёзню тёгерекден эштдирмегиз,
Ёмюр деген "ташлы" джолду, аласызлай джыгъылырбыз,
Джол джарытхан болмай къалса чыкъмазлагъа тыгъылырбыз!
Аллах ючюн, сакъ болайыкъ джарытыучу адамлагъа,
Джашауларын халкъгъа атаб, халкъны сыйын тутханлагъа,
Тинни, динни, тёрелени тёлюлеге элтгенлеге,
«Кесим»-демей, «халкъым» деген уллулукъгъа джетгенлеге!
2016.
Чыракъ тутханлагъа тиймегиз
© Copyright: Софи Трам-Семен 2, 2022
Свидетельство о публикации №222011800019
Свидетельство о публикации №222011800019
Рецензии