1.
Уллу аламны джоругъу алайды,
Хар бир инсан кетед дуниядан,
Не бушуу да бир унутулады,
Джангыз ана кетмейд акъылдан.
Къайтарыуу:
Сыйлы атны кюулеге салалла,
Джер юсюнде къалгъан балала,
Хар бир кюнде сизге таралалла,
Ой, тюшлеге кетген анала!
2.
Ана деген тылпыу берген джанды,
Ким билялыр аны багъасын,
Ой, ол затны адам ангылайды,
Ёлюм джайса къара къанатын.
Къайтарыуу:
3.
Туз джыламукъ кёзледен агъады,
Ёксюзлюкню кюню келгенлей,
Не онглу да онгад, унугъады,
Ой, ананы кёрге кёмгенлей.
Къайтарыуу:
4.
Уллу аламны чархы тохдаусузду,
Джазыу джиби – джанны бойнунда…
Ёлген ана – джулдуз учхунуду,
Ким къысылыр аны къойнуна.
Къайтарыуу:
1980дж. Терезе.
На фото мама,Семенова-Узденова Байдымат(Патимат) Шахым-Гериевна
Тюшлеге кетген анала
© Copyright: Софи Трам-Семен 2, 2022
Свидетельство о публикации №222011901164
Свидетельство о публикации №222011901164
Рецензии