Мийикледен илхам алгъан,
Аякъ ызын ары салгъан,
Хар тыйгъычха хатху кере ёрлейди,
Къая, таш бла тирелеше,
Джел, боран бла ёрелеше,
Учар-атын алай бла джерлейди.
Зарынг, турмай, уру къазсын,
Тохдаусузлай садакъ тартсын,
Ол демлешде онглулугъунг кючленир,
Бир тюртюлсе - эки къайта,
Халкъгъа тюзню, таймай, айта,
Керти шаир алай эте ёчленир.
Бош дертлисе джашауунга,
Тарлыкъда къыт ашауунга,
Тюртсюз болмаз фахму чакъны чагъары,
Миз, эгелиб, чанчар болур,
Темир, эриб, ханчар болур -
Ол къадарды хакъ-шаирни къадары.
------------------------------------------
ханчар-стальной нож с кривым лезвием, для боя. Пользовались аристократы.
илхам-вдохновение.
шаир-поэт.
ёчлениу-получить всеобщее признание.
Джазыучу шохума
© Copyright: Софи Трам-Семен 2, 2022
Свидетельство о публикации №222011901183
Свидетельство о публикации №222011901183
Рецензии