Сабий насихатла

Софи Трам-Семен 2
/анамы,Ёзденланы Шахым-Герийни къызы, Байдыматны(Патимат)
сабийликде бизге бериучю  дерслеринден/

Билген - тюзетир,
Уста - юретир,
Атланнган - джетер,
Тырмашхан - этер.


Джахил - джангылтыр,
Зомзом - арытыр,
Зылдыу - кюлдюрюр,
Къызгъанч - бёлдюрюр.


Батырдан - хорлау,
Къоркъакъдан - охлау,
Чомартдан - саугъа,
Байрадан - къаугъа.


Джыгъылсанг - туруу,
Джакъсызны - къоруу,
Ёксюзге - джарау,
Къартынга - къарау.


Сёзчюден - сёгюш,
Амандан - бедиш,
Къартлыкъдан - кёргю,
Ётгюрден - юлгю.


Шашханнга - оноу,
Зорчугъа - бугъоу,
Сатлыкъгъа - къаджау,
Кючсюзге - джакълау.


Адамлыкъ - борчду,
Игилик - хошду,
Намыс-бет - шартды,
Тёребиз - хакъды.


Халкъынг - атынгды,
Джуртунг - тахтынгды,
Элинг - юйюнгдю,
Юйюнг - сюйюмдю.


Адет бла джаша,
Халал аш аша,
Унутма муну...
"Терс арты - къуру".


© Copyright: Софи Трам-Семен 2, 2022
Свидетельство о публикации №222011901204
Список читателей / Версия для печати / Разместить анонс / Заявить о нарушении
Другие произведения автора Софи Трам-Семен 2
Рецензии
Написать рецензию
Другие произведения автора Софи Трам-Семен 2