Муратыма къар джауду –
джетиб – джетелмем,
Джол аллыма таш ауду –
ётюб – ётелмем.
Кёк джюзюнден кёл алдым –
джазыу бой бюкдю,
Кёчер джерге юй салдым –
тюбюнден чёкдю.
Боран урду юсюме –
джылынмаз этди,
Кюе кирди юйюме –
ашалыб кетди.
Игиликге терилдим –
джангылгъан болдум,
Чекгенимден инджилдим –
джарадан толдум.
Мен джашаугъа ышандым –
ол артха тюртдю,
Хакъсыз джерге тышландым –
джюрегим юркдю.
Зулму къырды белими –
багъылмаз болду,
Бошлукъ тюшген кёлюме –
мыдахлыкъ толду.
Муратыма къар джауду –
юшюдю, джазыкъ…
Энди болдум баш баулу –
ёлюмге азыкъ.
Джашау
© Copyright: Софи Трам-Семен 2, 2022
Свидетельство о публикации №222011901220
Свидетельство о публикации №222011901220
Рецензии