КЮЕУ ТОЙ

Къуанч барады Уллу - Къарачай элимде,
Миллет басына, тепси джасала, ой,
Къартла туралла къуанчлы юйню тёрюнде,
Джашла этелле эркин арбазда той.

ЭЖИУЮ:
Харс, джашла!
Кюеу келгенди къайын юйюне, ой!
Къарачай элде къуанч барады, орайда,
Кюеу чакъыргъан, кюеу чакъыргъан той!

Ариу къызчыкъла, гюлле кибик чакъгъанлай,
Тойну башында сюеледиле, ой,
Джигит уланла, илячин къанат къакъгъанлай,
Бармакъ учунда тепсеу этелле, ой.

ЭЖИУЮ:

Тукъум тамада алгъыш этеди арада,
Амин - дейдиле уллу, гитче да, ой,
Алгъыш аякъны аны къолундан алыргъа,
Кюеу чыгъады, кюеу чыгъады, ой.

ЭЖИУЮ:

Бютеу джыйылгъан кюеуден къарам алмайын,
Хар атламына багъа береди, ой,
Тукъум келин да кюеуню бёркюн къыммайын,
Тохдаялмады, тохдаялмады, ой.

ЭЖИУЮ:

Алгъыш айтылад джангы юйюрню алгъышлай,
Татлы чачыла сабий - балыкъгъа, ой,
Кёк чартлагъанлай, тери даурбаз къакъгъанлай,
Той башланады, кюеу чакъыргъан той.

ЭЖИУЮ: