(джыр)
Минги тауну этеклеринде,
Джандет кибик ариу джерледе,
Кюрен тарта къарлы тауларынг,
Джашайса сен, шамлы - Малкъарым!
Сенден кенгде - джюрек термиле,
Санга джетсем кёлюм - кериле,
Солуу таба сенде санларым,
Сюйген джуртум - къарнаш Малкъарым!
Казим айтхан акъыл сёзлеринг,
Къайсын джайгъан фахму хурметинг,
Омар айтхан сейир джырларынг,
Сукъландыралла, ёхдем Малкъарым!
Къарачайда алгъыш айтыла,
Къарнаш Малкъарыма атала,
Эки джуртну эрке уланы,
"Шах" аталгъан, шамлы - Малкъарым.
Мийик тауларынг бла къараша,
Хар миллетге боюнг джараша,
Кенг джайыла махдау хапарынг,
Джашнай джаша, шамлы - Малкъарым!
Малкъарым
© Copyright: Софи Трам-Семен 2, 2022
Свидетельство о публикации №222012601933
Свидетельство о публикации №222012601933
Рецензии