Тюшемеми эсинге?

(джыр)
Юйден чыгъыб тебреген эм кетерге,
"Джангылма" - деб чыкъгъан эдинг аллыма,
Къызгъан башым унамайын эштирге,
Кетген эдим джангылычлы джолума.
Башха джерде джангы насыб изледим,
Андады - деб сюймекликни кертиси,
Джылым келе энди ангылайма мен,
Сен энг насыбымы иеси.

ЭЖИУЮ:
Джылыу бермей санаусуз баралла,
Сенсиз ётген мутхуз кюнлерим,
Джюрегиме ауурлукъ салалла,
Джоюлмагъан сезимлерим,
Джоюлмагъан сезимлерим.

Чыммакъ къардан къара чачынг агъарыб,
Къалгъан эдинг къуу - шуу болгъан арбазда,
Тохдамадым, терслигиме сагъайыб,
Антлы болуб энди артха къайтмазгъа.
Дуниялада борч тёлеген бар эсе,
Терслигими бушуу бла тёледим,
Кече, кюн да кёз аллымдан кетмейле,
Джыламукъдан толгъан кёзлеринг.

ЭЖИУЮ:

Джан - нёгерим, тюшемиди эсинге,
Санга тенглик эталмагъан джёнгеринг?
Джангы джылыу табалдымы кёлюнгде,
Мен сындыргъан таза джюрегинг?
Къаты джылла сорууларын соралла,
Джангызлыкъны ие этиб юйюме,
Сагъышларым такъырлыкъ салалла,
Бюгюлмеучю, ёхдем кёлюме.

ЭЖИУЮ: