Кюн джарыгъы, аулу кибик, джылытмазса,
Ай джарыгъы, алгъындача джарытмазса,
Тереклени чапракълары мутхуз эсе,
Бютеу дуния бет атханча, къутсуз эсе,
Суу тауушу, бушуу джырча, келе эсе,
Чегетлени джашил бети кете эсе,
Кёзлеринге, ау тюшгенча, кёре эсенг,
Ёлюм, джашау деген затны сюзе эсенг,
Такъыр кёлюнг сыртны алгъа бюге эсе,
Санынг тутмай, олтурургъа сюе эсе,
Иш эталмай, сагъышлагъа кете эсенг,
Ачыу къысыб, алджар халгъа джете эсенг,
Тамагъынгда джыламукъ тоб тура эсе,
Сагъышларынг акъылынгы бура эсе,
Бютеу дуния тюрленнгенча болду эсе,
Джюрегинге кетмез бушуу толду эсе,
Сёз нёгерни кёлтюралмай, тая эсенг,
Кёз джашынгы кючден - бутдан тыя эсенг,
Джан - анангы ёлгенине чыдагъанса,
Джан - анангы къайтмаз джары ашыргъанса.
Терезе/Къарачай.
Дуния тюрленир
© Copyright: Софи Трам-Семен 2, 2022
Свидетельство о публикации №222020201463
Свидетельство о публикации №222020201463
Рецензии