Алданнган джашлыкъ – мурат бла кетди,
Бюгюлген къартлыкъ чыкъмазгъа джетди,
Даулет алдау бла аякъ чулгъады –
Джашауубузну бизден урлады.
Къалмады энди ышаныу «ханнга»,
Башчы чыгъарлыкъ «къуанчлы танга»,
Биз – ийнаныу бла, сакълауда тура,
Ол – джыйыны бла «къаласын къура».
Менича кёбле таргъа тыйылды,
Тюзню кеч эслеб, саны къыйылды,
Джекле къымдыла ёмюрюбюзню,
Джалгъанла алыб акъ тёрюбюзню.
Джарлы миллетни, башы ийилген,
Джюреги болду тюйюм тюйюлген,
Тёрге чыкъгъанла гуду бла сатлыкъ,
Кимден табылсын къутхарыр джакълыкъ?!
Алданнган джашлыкъ – мурат бла кетди,
Бюгюлген къартлыкъ чыкъмазгъа джетди,
Даулет алдау бла аякъ чулгъады –
Джашауубузну бизден урлады.
Ёмюрюбюз урланды
© Copyright: Софи Трам-Семен 2, 2022
Свидетельство о публикации №222020201569
Свидетельство о публикации №222020201569
Рецензии