Халкъ айтханлай, джангыз «джаннган джылытады,
Джангыз джаннган башхаланы джарытады».
Джанар ючюн палахланы ётериксе,
Сёз кёлтюрюб, зорлукъ чегиб тёзериксе.
Алай бла сезим, джюрек чыныгъады,
Халинг къатыб адамлыгъынг къыйылады,
Сен чекгенни башхалагъа теджемейсе,
Джаунга да ачыу чачыу тилемейсе.
Къыйынлыкъда кёлюнг назик болуучанды,
Джюрегинг да сезим бла толуучанды,
Сезим эсе башхалагъа джайылады,
Алагъа да хузур кюрен къайылады.
Алай бла адамлыгъынг иленеди,
Акъыл зорлай, тюшюнюуюнг кериледи,
Тирелиуюнг алдан - алгъа бардырады,
Джашауунга хорлам энни салдырады.
Сен ёкюнме джаннганынга, джарсыуунга,
Сени къыйыб бичим берген джазыуунга.
Халкъ айтханлай, «джангыз джаннган джылытады,
Джангыз, джаннган башхаланы джарытады».
22.10.2015.
Ёкюнме джашауунга
© Copyright: Софи Трам-Семен 2, 2022
Свидетельство о публикации №222020401031
Свидетельство о публикации №222020401031
Рецензии