УЯН
1.
Кече къара джабыуун,
Кёлтюрдю ёрге,
Джарыкъ тангны джылыуун,
Бошлады джерге.
Къайтарыуу:
Кече атды къарыуун,
Сагъайгъанды анг,
Уян, уян, кёзджауум,
Джарыгъанды танг.
2.
Кюн узуну ёмюрча,
Тансыкълыкъ берир,
Сен ишингден къайтырча,
Нюр ингир келир.
Къайтарыуу:
3.
Джюрегиме джанаргъа,
Джилтин салдынг сен,
Сени берген къадаргъа,
Къор болайым мен.
Къайтарыуу:
Москва/СССР
Свидетельство о публикации №222020401042