МАРА ГАРА

/джыр/

1.Къарачайда, Марада,
Айтыу, хапар  болурлай,
Барды, къайнар, бир гара,
Ичген кючден толурлай.

Эжиую:
Орайда - райда, Мара  гарагъа,
Машаллах, Мара  гарагъа.

2.Къарачайгъа келгенни,
Мара гара кёрюнчю,
Къарачайны сюйгенни,
Мара - гара сюйюнчю.

Эжиую:

3.Джашил джасау ёзенни,
Арасында олтурур,
Мара  гара кёргенни,
Сукъланыудан толтурур.

Эжиую:

4.Саусузгъа джан кирирлей,
Бир сууу чыгъад джигинден,
Кёрген сейир этерлей,
Бир нюр урад ичинден.

Эжиую:

5.Тёгереги тау болуб,
Чегет бла къабланыб,
Джашил ёсюм  ау болуб,
Джан - джанындан джабланыб.

Эжиую:

6.Тёгереги - керамат,
Тартхы кибик тартыучу,
Мара гара - аламат,
Хар тутхуну ачыучу.

Эжиую:

7.Терек ёзден тамгъанлай,
Мара  гара толады,
Бу кёзлеуню  халына,
Халкъ тамаша болады.

Эжиую:

8.Мара эли  къалады,
Ёзениди  белгиси,
Къонакъгъа джан салады,
Бу миллетни халиси.

Эжиую:

9.Мара эли байхынды,
Кенг ачылыб  фатары,
Айтхылыкъды, джайгъынды,
Гарасыны хапары.

Эжиую:

10.Мара  гара, тау гара,
Гараладан  сайланнган,
Махар  гара къатында,
Къарачайда айтылгъан.

В. Мара/КЧР.