Балдыраджюз киргенди,
Джабалагъын сюргенди,
Джаз джуукъгъа келгенлей,
Кетеригин билгенлей,
Къыш къарыуун кёргюзте,
Къайтырыгъын эскерте,
Ахыр кючюн салгъанды,
Халкъны онгун алгъанды,
Алай узакъ баралмаз,
Энди джерде къалалмаз,
Бутак керген чегетле,
Чирчик тутхан терекле,
Чыпчыкъ гюрден толурла,
Джазгъа илеш болурла,
Суукъ кюнле – битерле,
Шимал джелле – кетерле,
Чагъыу заман джуукъду,
Ол – тюрленмез джорукъду.
12.03.2018.
Балдыраджюз
© Copyright: Софи Трам-Семен 2, 2022
Свидетельство о публикации №222022101498
Свидетельство о публикации №222022101498
Рецензии