Швацкая іголка —
Цыраваць назутак.
Хлеб, вядома, колкі,
Цяжка шыць абутак.
Ёсць ігла-шаршатка —
Для шыцця радніны.
Моцная ўхватка —
Радасць для радзіны.
Швайку ўжываюць
Для рагож ды меха.
Ёй канец скрыўляюць —
Ладная пацеха.
Воўнай вышыць трэба,
Дык бяруць вушатку.
Ёсць калі патрэба,
Выш’юць добра, гладка.
Розныя іголкі —
Памяць маці, дома...
Хлеб, казала, колкі...
Для шаўца, вядома.
Швацкая iголка
© Copyright: Татьяна Цыркунова, 2022
Свидетельство о публикации №222031300529
Свидетельство о публикации №222031300529
Рецензии
