Мне залiшняга не трэба
На плячах каб быў каптан.
На стале кавалак хлеба...
Мой жыццёвы просты план.
Добра, калі ёсць паўсыра,
А няма, дык не бяда.
Прывітаю госця шчыра,
Ёсць гарэлка, не вада.
Сок, віно стаяць у шафе...
Мне каго баяцца тут?
Ты заходзь, мой дружа, шафер,
Я ўзвышу свой статут.
Так, з дзяўчынай ажанюся,
Не застанусь адзінок.
Ладная мая Гануся,
Будзе сын, нібы дубок.
Мары простыя, не казка,
Нібы светлы ручаёк.
Падары мне, Божа, ласку...
Шчасце, дзе ты? Матылёк...
Свидетельство о публикации №222041900345