Шам – окъуучум, санга салам!
Алыр – алмаз къолгъа къалам,
Сени башдан тюшюннгенме,
Хош саламгъа тилленнгенме.
Бюгюн санга джан даууму,
Ич сёзюмю, ачыууму
Бурмагъанлай ачыкълайма,
Не дерсе – деб, тынгылайма.
Мында болмаз, биз билиучю,
Кертиликге кюч тийиучю,
Джалгъан сёзлю назмула,
Не да алдау хазнала,
Джазылгъанны бары тюздю –
Джазым джазды, кюзюм кюздю.
Ким биледи, Аллах бериб,
Мен джазгъанны сен тюз кёрюб,
Китабым бла бетлеширсенг,
Ойумум бла бирлеширсенг,
Насыб манга къайтыб келир,
Ачыуларым сынар, эрир,
Тикли джолум тюз кёрюнюр,
Къач кюнюме нюр тёгюлюр,
Кетген мурат къайтыр манга,
Талпыу сала талгъан джаннга.
Шам – окъуучум санга салам!
Ышаныу бла алдым къалам.
2000
Нальчик
Окъуучума
© Copyright: Софи Трам-Семен 2, 2022
Свидетельство о публикации №222062900753
Свидетельство о публикации №222062900753
Рецензии