Мы памятаем...
У 1952 годзе на месцы пахавання воінаў быў усталяваны абеліск з пяціканцовай чырвонай зоркай; яго ў 1989 годзе замяніла мемарыяльная архітэктурная кампазіцыя з жэлезабетону, якая была аднесена да матэрыяльнай гісторыка-культурнай каштоўнасці Рэспублікі Беларусь.
Мемарыяльны комплекс з’яўляецца месцам правядзення дзяржаўных святаў нашай краіны – Дня Перамогі і Дня Незалежнасці Рэспублікі Беларусь, які быў усталяваны паводле Указу Прэзідэнта краіны ў снежні 1996 года.
Дата правядзення галоўнага свята беларускай дзяржаўнасці – 3 ліпеня 1944 года, звязаная з вызваленнем ад нацысцкіх акупантаў сталіцы Беларусі, горада Мінска.
Патрыятычнае выхаванне падрастаючага пакалення з’яўляецца асновай ідэалогіі нашай краіны; мы свята шануем памяць аб Вялікай Айчыннай вайне.
Апошнія тры-чатыры гады ўрачыстасці носяць не такі маштабны характар, як у “даковідныя” часы. Па зразумелых прычынах ужо шмат гадоў не праводзіцца шэсце ветэраноў, хоць нешматлікія ўдзельнікі вайны, што засталіся ў жывых, па-ранейшаму знаходзяцца ў цэнтры ўвагі мясцовай улады і радавых грамадзян.
Акцыя-шэсце “Бяссмертны полк” – міжнародны грамадска-палітычны рух па захаванню асабістай памяці аб пакаленні Вялікай Айчыннай вайны, у апошнія гады некалькі перайначыўся: у Дзень Перамогі лінейка з лепшых вучняў школ дэманструе фотапартрэты ветэранаў вайны.
На маёй малой Радзіме, гарадскім пасёлку Целяханы Брэсцкай вобласці, вялікая ўвага надаецца захаванню традыцый, закладзенных яшчэ ў савецкія часы і гады станаўлення суверэннай Беларусі. Акрамя ўрачыстага святкавання Дня Перамогі і Дня Незалежнасці Рэспублікі Беларусь, мае землякі ў дзень пачатку вайны ўспамінаюць аб найвялікшай трагедыі дваццатага стагоддзя і смуткуюць аб незаменных стратах.
22 чэрвеня 2021 года ў чатыры гадзіны раніцы, у абяліска брацкай магілы, упершыню адбылася агульнараённая акцыя “Запалім свечку памяці”. Мерапрыемства прысвячалася Дню ўсенароднай памяці ахвяр Вялікай Айчыннай вайны і васьмідзесяцігоддзю яе пачатку.
Галоўнай тэмай усіх выступаў на мітынгу-рэквіеме быў пасыл – не дапусціць надалей такой страшнай і кровапралітнай вайны.
Арганічным працягам тэмы захавання міру была прамова масквіча Андрэя Даньшына, які мае беларускія карані. Ён закрануў злабадзённую праблему: спробы некаторых “заказных гісторыёграфаў” перапісаць гісторыю Вялікай Айчыннай вайны.
Сёлета на тэрыторыі нашай краіны праводзіцца акцыя “Запалім свечку памяці”, прысвечаная Дню ўсенароднай памяці ахвяр Вялікай Айчыннай вайны і генацыду беларускага народу.
Я ніколі не заставалася ў баку ад грамадска значных мерапрыемстваў. У дзяцінстве, юнацтве, сталым узросце, больш за трыццаць гадоў працуючы ў сістэме аховы здароўя Баранавіцкага рэгіёну, заўсёды прымала ўдзел у святкаванні Дня Перамогі, Дня Незалежнасці і іншых падзеях, знакавых Рэспублікі Беларусь.
Не змяніла гэтай традыцыі і ў апошнія гады, пражываючы на маёй малой радзіме, у гарадскім пасёлку Целяханы.
22 чэрвеня 2022 года, у тры гадзіны сорак хвілін, я была ля абеліска. Негледзячы на халаднаватае і ветранае надвор’е, ля мемарыяла брацкіх могілак, дзе пахаваны савецкія воіны і партызаны, загінуўшыя ў гады Вялікай Айчыннай вайны, сабраліся неабыякавыя жыхары пасёлка.
Акцыя пачалася выступленнем старшыні сельскага выканаўчага камітэта Аксаны Мялік і старшыні Савета ветэранаў пасёлка Святланы Крэк. Іх паведамленні – кароткі аналіз “якой цаной заваявана шчасце” для жыхароў Целяхан, Беларусі і Савецкага Саюза.
У мітынгу-рэквіеме прыняў удзел Зіновій Мікалаевіч Каланчук, адзіны ў населеным пункце ветэран Вялікай Айчыннай вайны. Нягледзячы на свой паважны ўзрост – тыдзень таму яму споўнілася дзевяноста пяць гадоў, Зіновій Мікалаевіч займае актыўную жыццёвую пазіцыю. Ён падзяліўся з прысутнымі успамінамі аб пачатку вайны на тэрыторыі пасёлка і нагадаў аб непазбыўным болю маіх землякоў – знішчэнні тысячы чатырохсот жыхароў Целяхан яўрэйскай нацыянальнасці ў першыя месяцы вайны.
Пасля “Хвіліны маўчання” і ўскладання вянкоў і кветак да мемарыяла, у яго падножжа былі расстаўленыя падпаленыя свечкі. Іх імгненна задзьмуў моцны парыв ветру – сама прырода запрацівілася згадванню даты пачатку рэалізацыі дзікіх задум фашыстаў, несумяшчальных з паняццямі гуманізма.
Нягледзячы на надвор’е, удзельнікам акцыі ўдалося “запаліць свечкі памяці”: у самым пачатку мітынгу ўсе прысутныя ўключылі ліхтарыкі сваіх мабільных тэлефонаў.
Мы памятаем …
Свидетельство о публикации №222070400608
Знаете, вспомнилось одно высказывание - "Народ жив до тех пор, пока помнит о своих корнях, помнит о деяниях предков".
И память о той Великой войне можно назвать, наверное, одной из самых прочных нитей, связывающих нас с событиями, подвигами предков, позволивших нам существовать, как народ.
И наиважнейшей задачей является проведение мероприятий, направленных на то, чтобы эта нить связи между поколениями не разрывалась никогда.
С самыми добрыми пожеланиями,
Сергей Макаров Юс 11.08.2023 21:18 Заявить о нарушении
Сердечно благодарю за отзыв!
Вы правы: сбережение памяти о Великой войне и воспитание у молодого поколения трепетного отношения к своим корням - залог сохранения народа.
С глубочайшим уважением и самыми добрыми пожеланиями.
Нелли Фурс 12.08.2023 13:03 Заявить о нарушении