Блін, блінец, сачэнь ды корж,
Цадавік, грыбок, налеснік...
Кожны гэты блін харош,
Пра бліны складаюць песні.
Прэсны, кіслы – тоўсты бок.
А сухога коржам клічуць.
З пенкі масляны грыбок,
Ён малому шчасце зычыць.
З макавага малака
Выпякаюцца сачэні,
Непадобны да грыбка –
Атрымаеш насычэнне.
Ўспомню пра аўсяны цэд –
Цадавень – прыгожы, смачны.
Як узрадуецца дзед –
Цадавік бярэ ўдзячны.
А маленькія блінцы –
Усім вядомыя аладкі.
Ой, бліночкі-малайцы...
Той, хто з’еў іх – сыты, гладкі.
Блiн, блiнец, аладак...
© Copyright: Татьяна Цыркунова, 2022
Свидетельство о публикации №222070800360
Свидетельство о публикации №222070800360
Рецензии