Бюгюн башым - къара сагъыш, кёлюм - мыдах,
Дунияда тартылгъанча ауур салах,
Ёлюм, ёртен, тонау хапар джайылгъанды,
Джарлы тюзлюк энтда таргъа тыйылгъанды.
Къарайма да, къарам тутар кёралмайма,
Эштеме да, эштгениме тёзалмайма,
Айтама да, сёз ётер джер кёрюнмейди,
Аманлыкъ да адамлыкъ бла бёлюнмейди.
Келир заман къутхарыр, деб ышаннганлай,
Баш сакълау бла, тёзюм бла джашагъанлай,
Муратладан, умутладан аджашханлай,
Джашау барад, кёзле джер бла къарашханлай.
Къралым десем, тыш джауланы ойнашында,
Халкъым десем, терсбашланы хыйлясында,
Джокълукъ десем, адамланы юсюн басыб,
Хар къарамгъа мадарсызлыкъ аууун атыб.
Бюгюн башым - къара сагъыш, кёлюм - мыдах,
Дунияда тартылгъанча ауур салах,
Ёлюм, ёртен, тонау хапар джайылгъанды,
Джарлы тюзлюк, энтда таргъа тыйылгъанды.
2016. Москва.
Тюзлюк-тарда
© Copyright: Софи Трам-Семен 2, 2022
Свидетельство о публикации №222071601172
Свидетельство о публикации №222071601172
Рецензии