Ичи толу бир саутду, адам деген.
Къыйын тюлдю биреуленни ичин билген,
Тий, тийгенлей ичиндеги тёгюллюкдю,
Не болгъаны олсагъатлай кёрюннюкдю.
Джауну, тосну дараджасын алай таны,
Тиер-тиймез бузуллукъду аны къаны,
Асыл эсе, джарашыулу ангылатыр,
Асылсыз а кир сёзлерин чачыратыр.
Алгъаракъда бир "алимге" алай тийдим,
Адамлыгъын, сыйын, сырын, барын билдим:
«Тёгюлгени» мырды сууча, джуумдуча,
Сёлешгени - багуш тилни урумуча.
Ичи толу бир саутду, Адам деген.
Къыйын тюлдю биреуленни ичин билген.
Тий, тийгенлей ичиндеги тёгюллюкдю,
Не болгъаны олсагъатлай кёрюннюкдю.
2015. Москва.
Алай танырса
© Copyright: Софи Трам-Семен 2, 2022
Свидетельство о публикации №222071601181
Свидетельство о публикации №222071601181
Рецензии